«Ավագանին նիստի է գալիս միջանցքներում ծխելու համար, դրա համար քվորում չի լինում». իմքայլական ավագանու անդամ
Հասարակություն«Քաղաքապետ Հայկ Մարությանին անվստահություն հայտնելու հարցը ՔՊ վարչության որոշում է: Շատ կուզեի վարչությունը որոշում կայացներ՝ մի շարք օրենսդրական փոփոխություններ ընդուներ՝ կապված համատիրության խնդիրների հետ, ապօրինի առևտուրը, ինքնակամ շինությունները բացառելու առումով». Այս մասին այսօր՝ դեկտեմբերի 22-ին, ավագանու նիստի ժամանակ ասաց ավագանու անդամ Էռնեստ Ավանեսովը։
«ՔՊ վարչությունը որոշել է, որ դա է ամենալուրջ խնդիրը, փորձում են քաղաքապետ Հայկ Մարությանից հրաժարվել։ Նախագծի կետերը՝ համոզիչ չեն։ Ելույթները հիմնականում արդարացում են, քան հիմնավորում։ Հիմնավորեք քաղաքացիներին, որպեսզի հասկանան, ինչո՞ւ եք ուզում Հայկ Մարությանին փոխել Հրաչյա Սարգսյանով»։
Ավանեսովը հայտարարեց, որ ավտոբուսների հետ կապված սաբոտաժ եղել է, սակայն քաղաքը պետք է նոր ավտոբուսներ ունենար։ Ավագանու անդամի կարծիքով՝ իշխող ուժը շեղվել է.
«Իմ քայլը խմբակցությունը շատ է շեղվել հեղափոխության արժեքներից։ Եվ մեկ անգամ ինքներդ ձեզ ասեք՝ քանի՞ հոգի կա անկուսակցական, այնպիսի լուսավոր դեմքեր են լքել ձեր խմբակցությունը»։
Ավանեսովը նշեց, որ ցավում է, որ նման նախագիծ է քննարկվում ու շատ կցանկանար քվեարկությունը բաց լիներ և երևանցիները իմանային` ովքեր են կողմ կամ դեմ քվեարկում։
«Մեծ մասամբ «Իմ քայլը» խմբակցությունը ունի լուրջ խնդիրներ՝ կադրերի ընտրության առումով, մարդկանց պարզապես չմոտիվացնելու և նիստերին չբերելու առումով։ Չեն գրանցվում և պարզապես չեն լինում նիստեր և մարդիկ այստեղ գալիս էին հիմնականում միջանցքներում ծխելու և խոսելու համար, դրա համար քվորում չէր լինում»։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
