Վազգեն Ռշտունին՝ տարվա ամենաբարձր վարկանիշ ունեցող դատավոր

«Թափանցիկ ձեռք 2021» մրցանակն ավանդույթի համաձայն հանձնվեց 2021 թվականի արդյունքներով փաստաբանների կողմից ամենաբարձր վարկանիշի արժանացած դատավորին՝ ՀՀ վերաքննիչ քրեական դատարանի դատավոր Վազգեն Ռուբենի Ռշտունին: Արդյունքում՝ Վազգեն Ռշտունին դարձավ «Թափանցիկ ձեռք» հուշանվերի ԿՐԿՆԱԿԻ մրցանակակիր: Այս մասին հայտնում է HelpCourt համակարգը։

«2021 թվականի HelpCourt դատավորների վարկանիշավորման գործընթացն ավարտվեց:

«Թափանցիկ ձեռք 2021» մրցանակն ավանդույթի համաձայն հանձնվեց 2021 թվականի արդյունքներով փաստաբանների կողմից ամենաբարձր վարկանիշի արժանացած դատավորին՝ ՀՀ վերաքննիչ քրեական դատարանի դատավոր ՎԱԶԳԵՆ ՌՈՒԲԵՆԻ ՌՇՏՈՒՆՈՒՆ:

Արդյունքում՝ Վազգեն Ռշտունին դարձավ «Թափանցիկ ձեռք» հուշանվերի ԿՐԿՆԱԿԻ մրցանակակիր:

Ռշտունին ամենաբարձր վարկանի ունեցող դատավորն էր ճանաչվել նաև 2017 թվականին:

Համակարգի հիմնադիր Լևոն Սահակյանը շնորհավորեց պարոն Ռշտունուն և մաղթեց որպեսզի վերջինիս աշխատանքը միշտ լինի գնհատված ինչպես փաստաբանների, այնպես էլ հանրության կողմից:

Պարոն Ռշտունին, իր հերթին, նշեց. «Շնորհակալ եմ փաստաբաններին աջակցության համար։

Փաստաբանական համայնքը մշտապես գտնվել է դատավորների կողքին, հատկապես՝ լարված և դժվար պահերին։

Շնորհակալություն եմ հայտնում նաև «HelpCourt» դատական վարկանիշավորման համակարգի կազմակերպիչներին «Թափանցիկ ձեռք» մրցանակի համար, ինչն առավել պարտավորեցնող է։

Արդար չի լինի չհիշատակել իմ գործընկերներին և աշխատակազմին, քանի որ տրված գնահատականը նաև նրանց աշխատանքի արդյունքն է։»:

Ի դեպ, յուրաքանչյուր ոք կարող է ամբողջությամբ ծանոթանալ HelpCourt վարկանիշավորման գերթափանցիկ գործընթացի արդյունքներին http://helpcourt.am/ էլ. կայքի միջոցով: Այդ թվում տեսնել, թե ո՞ր փաստաբանը, ո՞ր դատավորին ի՞նչպես և ե՞րբ է գնահատել:

Համակարգը շնորհակալություն է հայտնում վարկանիշավորման գործընթացին մասնակցած բոլոր փաստաբաններին:

Համակարգն իր խորին շնորհակալությունն է հայտնում նաև Գյումրի քաղաքում գործող gHost Services ՍՊԸ-ի ողջ անձնակազմին: Շնորհիվ նրանց համակարգը կրկին ապահովվեց որակյալ ծրագրային աջակցությամբ:

Համակարգն իր շնորհակալությունն է հայտնում նաև STEKO ընկերությանը, որը համակարգին կրկին ապահովեց բարձրաճաշակ և խորհրդանշական «Թափանցիկ ձեռք» հուշանվերով:

Դատավորների 2021 թվականի վարկանիշավորման գործընթացը համարվում է ստացված»,- նշված է հաղորդագրությունում։