2021-ին ունեցել ենք կորոնավիրուսի 184 հազար դրական դեպք, եւ մոտ 40 հազար քաղաքացի բուժվել է ԲԿ-ներում. նախարար
Հասարակություն
Շատ լավ նորություն է, որ մենք Ամանորի նախաշեմին չունենք ճգնաժամային վիճակ կորոնավիրուսի հետ կապված: Այս մասին, այսօր՝ դեկտեմբերի 30-ին, կառավարության նիստում հայտարարեց վարչապետ Նիկոլ Փաշինյանը:
«Պետք է արձանագրենք, որ եթե պատվաստումների գործընթացը չշարունակենք, համավարակը վերադառնալու է եւ վերադառնալու է շատ ավելի ծանր մասշտաբներով: Այսօր մենք ունենք ավելի քան 700 հազար երկրորդ պատվաստում ստացած քաղաքացի, ինչը միակ առանցքային պատճառն է: Կյանքը ցույց տվեց, որ այս ոլորտում մեզ ուղղված քննադատությունները հիմք չունեին, քանի որ կարողացել ենք համավարակը առնվազն կառավարել այնպես, որ շատ վատ վիճակում չհայտնվենք»,-ասաց նա:
Իր հերթին առողջապահության նախարար Անահիտ Ավանեսյանն ասաց, որ արդեն 800 քաղաքացի ստացել է երրորդ դեղաչափը. «Ամբողջական պատվաստում ստանալուց հետո 6 ամիսը լրանալուց հետո մեր քաղաքացիներին հորդորում ենք ստանալու նաեւ խթանիչ դեղաչափերը:
Առաջին դեղաչափը ստացել է 943 377 քաղաքացի, իսկ երկրորդ դեղաչափը ստացել է 711 864 քաղաքացի:
2021-ին ունեցել ենք կորոնավիրուսի 184 հազար դրական դեպք, եւ մոտ 40 հազար քաղաքացի ստացել է բուժօգնություն հիվանդանոցներում»,-ասաց նա:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
