Նազարբաևի նախկին խորհրդականը նշել է Ղազախստանում ճգնաժամի հնարավոր պատճառներից մեկը
Աշխարհ
Ղազախստանի առաջին նախագահ Նուրսուլթան Նազարբաեւի նախկին խորհրդական, մշակույթի և տեղեկատվության նախկին նախարար Երմուխամետ Երթիսբաևը երկրում ճգնաժամի պատճառներից մեկը համարում է որոշ պաշտոնյաների և իրավապահների դավաճանությունը: Այս մասին նա ասել է «Խաբար 24» հեռուստաալիքի եթերում:
Երթիսբաևի կարծիքով՝ ներկայումս Ղազախստանում տեղի ունեցածը դարձել է ամենալուրջ ճգնաժամը 30 տարվա ընթացքում ողջ հետխորհրդային տարածքում:
«Պետական հեղաշրջման նման փորձի մասշտաբները, զինված խռովությունը ապշեցնում են, այնքան հզոր կազմակերպություն է, որ առանց իշխանության բարձրագույն էշելոնի դավաճանների, հատկապես իրավապահ մարմինների, հնարավոր չէր իրականացնել», - նշել է Երթիսբաևը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
