Ռուսաստանը պատժամիջոցներ է սահմանել Բայդենի դեմ

Ռուսաստանը անձնական սահմանափակումներ է մտցրել ԱՄՆ նախագահ Ջո Բայդենի նկատմամբ, հայտնում են ՌԴ ԱԳՆ-ից, փոխանցում է «ՌԻԱ Նովոստին»։

«Ի պատասխան մի շարք աննախադեպ պատժամիջոցների, որոնք, ի թիվս այլ բաների, արգելում են Ռուսաստանի Դաշնության բարձրաստիճան պաշտոնյաների մուտքը Միացյալ Նահանգներ, մարտի 15-ից նախագահ Ջո Բայդենը, ինչպես նաև մի շարք պաշտոնյաների մուտքը Ռուսաստան նույնպես կարգելվի»,- նշել են նախարարությունից։

Նախարարությունն ընդգծել է, որ նման որոշումը հակադարձ արձագանք է ԱՄՆ ներկայիս ղեկավարության ռուսաֆոբ կուրսին, որը հուսահատորեն փորձում է պահպանել ամերիկյան հեգեմոնիան (պետության վերահսկող ղեկավար դերը մյուսների նկատմամբ)։

Ահա թե ինչ տեսք ունի պատասխան պատժամիջոցների ամբողջական ցանկը.

1. Ջոզեֆ Բայդեն,
2. Էնթոնի Բլինկեն – ԱՄՆ պետքարտուղար,
3. Լլոյդ Օսթին – ԱՄՆ պաշտպանության նախարար,
4. Մարկ Միլի – Միացյալ շտաբների պետերի նախագահ,
5. Ջեյքոբ Սալիվան – Միացյալ Նահանգների նախագահի ազգային անվտանգության օգնական,
6. Ուիլյամ Բըրնս – ԿՀՎ տնօրեն,
7. Ջենիֆեր Փսակի – Սպիտակ տան մամուլի քարտուղար,
8. Դալիպ Սինգհ – Միացյալ Նահանգների նախագահի ազգային անվտանգության գծով օգնականի տեղակալ,
9. Սամանթա Փաուեր, Միջազգային զարգացման գործակալության տնօրեն,
10. Հանթեր Բայդեն – Միացյալ Նահանգների նախագահի որդին,
11. Հիլարի Քլինթոնը-ԱՄՆ նախագահի նախկին թեկնածու,
12. Ադեվեյլ Ադեյեմո – ֆինանսների նախարարի առաջին տեղակալ,
13. Ռետա Ջո Լյուիսը-Արտահանման-Ներմուծման բանկի նախագահ և տնօրենների խորհրդի նախագահն:

«Մոտ ապագայում պատժամիջոցների ցանկն ընդլայնելու մասին նոր հայտարարություններ կհաջորդեն՝ ներառելով ԱՄՆ բարձրաստիճան պաշտոնյաներին, զինվորականներին, օրենսդիրներին, գործարարներին, փորձագետներին և լրատվամիջոցներին, ովքեր ռուսաֆոբ են կամ նպաստում են Ռուսաստանի նկատմամբ ատելություն սերմանելուն և սահմանափակող միջոցների ներդրմանը»,- ասված է նախարարության հաղորդագրության մեջ։

ԱԳՆ-ն ընդգծել է, որ պատասխան պատժամիջոցները կձեռնարկվեն կառավարության որոշումներին զուգահեռ՝ պաշտպանելու ռուսական տնտեսությունը և նրա կայուն զարգացումը։