Ուկրաինացի տղամարդը փորձել է մանկական տուփի մեջ թաքնված հասնել Մոլդովա (լուսանկարներ)
Հասարակություն
Չեռնովցի ջոկատի սահմանապահները բացահայտել են Ուկրաինայի քաղաքացուն, ով փորձել է հատել Մոլդովայի հետ սահմանը՝ թաքնվելով մանկական տուփի մեջ։ Այս մասին հայտնում է Ուկրաինայի պետական սահմանային ծառայությունը։
«Անսովոր «ուղևորին» հայտնաբերել Ռոսոշանի անցակետում «Ռենո» մակնիշի մեքենայում, որով ընթանում էր մի կին իր երկու երեխաների հետ, որոնց փաստաթղթերը ստուգելուց հետո սահմանապահները զննել են նաև մեքենայի բեռնախցիկը, որտեղ հայտնաբերել են 1985 թ. ծնված տղամարդու` մանկական տուփի մեջ»,- ասվում է զեկույցում։
Պարզվել է, որ ապօրինի ուղևորը կնոջ ամուսինն է և այդ կերպ փորձել է հեռանալ երկրից։
Քաղաքացին ստիպված է եղել մնալ Ուկրաինայում, քանի որ ռազմական դրության ժամանակ 18-ից 60 տարեկան տղամարդկանց մեկնելն արգելված է։
Ուկրաինայի քաղաքացու նկատմամբ պետական սահմանը խախտելու փորձի համար վարչական փաստաթղթեր են կազմվել: Նրա կնոջ նկատմամբ նույնպես փաստաթղթեր են կազմվել Քրեական օրենսգրքի 332-րդ հոդվածով (Ուկրաինայի պետական սահմանով անձանց ապօրինի տեղափոխում):
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
