Ուկրաինան պաշտպանության համար կստանա ևս 800 միլիոն դոլար. Բայդեն

Միացյալ Նահանգները Ուկրաինային կփոխանցի ռազմական տեխնիկայի ևս մեկ խմբաքանակ՝ ընդհանուր 800 միլիոն դոլարի չափով, ընդհանուր առմամբ, 1 միլիարդ դոլարի պաշտպանական օգնությունը կփոխանցվի այս շաբաթ, չորեքշաբթի՝ մարտի 16-ին, ճեպազրույցում ասել է ԱՄՆ նախագահ Ջո Բայդենը։

Ամերիկացի առաջնորդի խոսքով՝ այդ մատակարարումները կներառեն 800 հակաօդային պաշտպանության համակարգ, 9000 հակատանկային համակարգ, 7000 հրետանային զինատեսակ, միլիոնավոր տարբեր զինամթերք՝ ներառյալ արկեր և անօդաչու թռչող սարքեր։

«Ամերիկացի ժողովուրդը կանգնած է Ուկրաինայի ժողովրդի կողքին՝ ի դեմս խաղաղ բնակչության դեմ Պուտինի անբարոյական և ոչ էթիկական հարձակման»,- ասել է նա:

Բայդենը նաև վստահեցրել է, որ Վաշինգտոնը կշարունակի ճնշում գործադրել Մոսկվայի վրա և մտադիր է Ռուսաստանին մեկուսացնել միջազգային ասպարեզում։

«Մեր դաշնակիցների հետ միասին մենք կշարունակենք ճնշում գործադրել հարվածի տակ գտնվող ռուսական տնտեսության վրա, ավելի կմեկուսացնենք այն համաշխարհային ասպարեզում: Սա է մեր նպատակը», - ասել է Բայդենը:

Նրա խոսքով՝ ԱՄՆ-ը մտադիր է «թուլացնել» Ռուսաստանի դիրքերը՝ միաժամանակ ամրապնդելով «ուկրաինական դիրքերը ինչպես մարտի դաշտում, այնպես էլ բանակցություններում»։