«Դուք ևս ներգրավվեք Պարեկային ոստիկանությունում». Փաշինյանի կոչը՝ կանանց
Հասարակություն«Մեր հարգելի կանայք պետք է բավարար չափով ակտիվություն ցուցաբերեն մասնակցելու այս գործընթացին: Աշխատանքի անցնելու պարագայում նրանք կստանան 350 հազարից սկսած «ծանրակշիռ» աշխատավարձ». Այս մասին այսօր՝ մարտի 17-ի, Կառավարության նիստում ասաց ՀՀ վարչապետ Նիկոլ Փաշինյանը՝ կանանց կոչ անելով ներգրավվել պարեկային ծառայության աշխատանքում:
«Հիմա արդեն ոստիկանության կողմից տարածվել է հայտարարություն հավակնորդների ընդունելու վերաբերյալ։ Պետք է ասել, որ ի տարբերություն առաջին մրցույթի, արդեն հետագա մրցույթներին ունենում ենք ռեալ մրցակցություն հավակնորդների մեջ, մեկ տեղի համար արդեն մի քանի հավակնորդներ կան»,- ասաց Փաշինյանը։
ՀՀ վարչապետը կարևոր է համարում, որպեսզի ընդունելության մասին հայտարարությունը բոլոր հնարավոր շահառուներին հասանելի լինի։
«Առաջինը՝ պարեկային ոստիկանությունում ծառայության անցնելու համար պարտադիր չէ նախկինում ոստիկանությունում աշխատած լինել, բարձրագույն կրթություն ունենալը, բայց կրթական հատվածը ամենևին չեն թերագնահատում, մարդիկ ընդունվում են, դասընթացներ են անցնում, որակավորման քննություն են հանձնում և այդ որակավորման քննությունը հանձնելուց հետո անցնում են աշխատանքի։ Եվ կարևոր է, որ հետագայում էլ նրանք ( մենք այդ մեխանիզմները մշակել ենք և կշարունակենք մշակել) պարեկային ոստիկանությունում ծառայողական առաջխաղացում ունենալու համար ոստիկանական ակադեմիայում նորից վերապատրաստում անցնեն»,- ասաց վարչապետը։
ՀՀ վարչապետը նաև կոչ արեց կանանց ակտիվորեն մասնակցել Տավուշի, Կոտայքի, Գեղարքունիքի և Արագածոտնի մարզերի ոստիկանություն պարեկային ծառայության ընդունելությանը։
«Եվ Երևանում, և Շիրակի, և Լոռու մարզերում ունենք կին պարեկներ, բայց, կարծում ենք, որ պոտենցիալը շատ ավելի մեծ է: Ուզում եմ կոչ անել, որպեսզի կանայք Տավուշի, Կոտայքի, Գեղարքունիքի և Արագածոտնի մարզերից ակտիվություն ցուցաբերեն»,- հավելեց վարչապետ։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
