Կլոր սեղան-քննարկում՝ նվիրված ԵԽ և ՖՄԿ համատեղ գործողություններին. դեսպան Խաչատրյանը անդրադարձել է մամուլի ազատության կարևորությանը

Ողջույնի խոսքով հանդես եկան ԵԽ-ում Հայաստանի և Ֆրանսիայի մշտական ներկայացուցիչները։ Հայաստանի մշտական ներկայացուցիչ Խաչատրյանն իր ելույթում անդրադարձ կատարեց մամուլի ազատության կարևորությանը՝ շեշտելով, որ ներկայիս մարտահրավերներին դիմակայելու և ժողովրդավարության արժեքների ամրապնդման համար անհրաժեշտ է ապահովել լրատվամիջոցների անխափան և անվտանգ գործունեությունը և ճշգրիտ ու վստահելի տեղեկատվության հասանելիությունը։ Դեսպան Խաչատրյանը նաև կարևորեց ԵԽ-ՖՄԿ համագործակցության ընդլայնման համատեղ հռչակագիրը, որպես երկու միջազգային կազմակերպությունների արդյունավետ երկխոսության գործիք։

 

Բացման խոսքով հանդես եկավ ՄԻԵԴ-ի նախագահի տեղակալ, Իռլանդիան ներկայացնող դատավոր Շիոֆրա Օ՛Լիրին։ Թեմատիկ ելույթներ ներկայացրեցին ԵԽ տեղեկատվական հասարակության ստորաբաժանման ղեկավար Պատրիկ Պենինքսը, Ֆրանկոֆոնիայի միջազգային կազմակերպության քաղաքական հարցերով տնօրեն Անտուան Միշոնը և Ֆրանկոֆոն մամուլի միջազգային միության գլխավոր քարտուղար Զառա Նազարյանը։ Քննարկումը վարում էր ԵԽ-ում Լրագրողների պաշտպանության բարեկամների խմբի նախագահ, Նիդերլանդների մշտական ներկայացուցիչ Ռոլանդ Բյոկերը։ Բազմաթիվ մասնակիցներ հնարավորություն ունեցան թեմային առնչվող իրենց հուզող հարցերը հղել զեկուցողներին։