ՌԴ ՊՆ-ն Լեռնային Ղարաբաղում տիրող իրավիճակի մասին ամփոփագիր է ներկայացրել

Ռուսական խաղաղապահ զորախումբը շարունակում է իրականացնել առաջադրանքները Լեռնային Ղարաբաղի տարածքում: Այս մասին նշված է այսօր` ապրիլի 1-ին, հրապարակված ՌԴ ՊՆ տեղեկատվական ամփոփագրում։

«Քսանյոթ դիտակետերում ռուս խաղաղապահներն իրականացնում են իրավիճակի շուրջօրյա դիտարկում և վերահսկում հրադադարի ռեժիմի պահպանումը։

Ռուսական խաղաղապահ կոնտինգենտի պատասխանատվության գոտում խախտումներ չեն արձանագրվել:

Լաչինի միջանցքով ուղեկցվել է Ադրբեջանի Հանրապետության զինված ուժերի չորս շարասյուն՝ երկուսը հյուսիսային և երկուսը հարավային ուղղություններով։

Պարեկություն է իրականացվել 4 ուղղություններով՝ Ասկերանի, Մարտակերտի, Մարտունու շրջաններում ու Լաչինի միջանցքում։

Ընդհանուր առմամբ, 2020 թվականի նոյեմբերի 23-ից ռուսական խաղաղապահ կոնտինգենտի ինժեներական և սակրավորական խմբերը մաքրել են 2358,9 հեկտար տարածք, 689,5 կմ ճանապարհ, 1937 շենք չպայթած ականներից և արկերից, հայտնաբերել և վնասազերծել 26257 պայթուցիկ առարկա։

Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ»,- նշված է ամփոփագրում։