Բժիշկը հայտնել է, թե ում է հակացուցված ձմերուկը

Ռուսաստանի վաստակավոր բժիշկ, Վ.Վ. Վինոգրադովայի անվան հիվանդանոցի գլխավոր բժիշկ Շարապովան URA.ru-ին տված հարցազրույցում պատմել է, թե ում է հակացուցված ձմերուկը։

«Մենք՝ բժիշկներս, խորհուրդ ենք տալիս ձմերուկ օգտագործել սահմանափակ քանակությամբ նրանց, ովքեր տառապում են փորլուծությամբ, միզաքարային հիվանդություններով, աթերոսկլերոզով, շագանակագեղձի ադենոմայով», - կիսվել է Շարապովան։ Բժիշկը նաև խորհուրդ է տվել ձմերուկ չուտել սրտանոթային համակարգի պաթոլոգիա ունեցող հիվանդներին։

Ըստ բժշկի՝ առողջ մարդկանց համար հատապտուղների առավելագույն թույլատրելի չափաբաժինը 200-300 գրամ է։ Ավելի լավ է ձմերուկն ուտել ճաշից առաջ, իսկ մարսողության հետ կապված խնդիրներից խուսափելու համար հատապտուղն ուտել այլ մթերքներից առանձին։