Եղվարդում վագոն-տնակ է այրվել. Դեպքի վայր է ժամանել մեկ մարտական հաշվարկ եւ մեկ ջրատար

Հունիսի 22-ին, ժամը 01։51-ին Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Եղվարդ քաղաքի Երևանյան փողոցում գտնվող վագոն-տնակում։

Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ ջրատար։

Հրդեհը մեկուսացվել է ժամը 02։16-ին, մարվել՝ 02։42-ին։ Այրվել են վագոն-տնակի տանիքի փայտե կառուցատարրերը, երեսպատումը (մոտ 7 քմ):