Աֆղանստանում հզոր երկրաշարժ է տեղի ունեցել․ մոտ 1000 մարդ է զոհվել (լուսանկարներ)

Հունիսի 22-ին Աֆղանստանի արևելքում տեղի է ունեցել հզոր երկրաշարժ՝ 6,1 մագնիտուդ ուժգնությամբ։ Երկրաշարժի հետևանքով՝ զոհվել է առնվազն 920 մարդ, հայտնում է RT-ն՝ հղում անելով տեղական հեռուստատեսությանը։
Հեռուստատեսությամբ տեղի պաշտոնյան խոսել է տարերային աղետի զոհերի թվի մասին։ «Աֆղանստանի արևելքում գտնվող Պակտիկա նահանգում տեղի ունեցած երկրաշարժի հետևանքով՝ առնվազն 920 մարդ է զոհվել»,֊ ասել է նա։ Բացի այդ՝ տուժել է ավելի քան 600 մարդ։