Հեյլի Բիբերին դատի են տվել

Հեյլի Բիբերը, ով վերջերս թողարկել է իր Rhode կոսմետիկ ապրանքանիշը, մեղադրվել է գրագողության մեջ։ Այս մասին հայտնում է TMZ-ը։

Մոդելին դատի են տվել դիզայներներ Ֆիբի Վիկերսը և Պուրնա Խատաուն՝ հագուստի Rhode NYC ապրանքանիշի սեփականատերերը, որը հիմնադրվել է դեռևս 2014 թվականին։ Բրենդի սեփականատերերի կարծիքով՝ Հեյլի Բիբերի համանուն կոսմետիկ ընկերության բացումը կարող է ազդել իրենց բիզնեսի վրա։ Նրանք նշել են, որ խնդիրներն արդեն սկսվել են, օրինակ՝ սոցիալական ցանցերում օգտատերերը սկսել են իրենց ընկերության փոխարեն նշել Hailey ապրանքանիշը։

Rhode NYC-ի սեփականատերերը հայց են ներկայացրել՝ Բիբերին արգելելու օգտագործել այդ անունը՝ թյուրիմացություններից խուսափելու համար։
«Մենք դեռ երիտասարդ և աճող ընկերություն ենք, մենք չենք կարող մրցել հայտնի մարդու հետ»,֊Page Six-ի լրագրողներին ասել են Վիկերսն ու Խաթաուն։

«Մենք չենք ցանկանում դատի տալ Հեյլիին, մենք ցանկանում ենք շնորհավորել նրան ապրանքանիշի թողարկման կապակցությամբ։ Որպես գործընկեր կին ձեռներեց՝ մաղթում ենք նրան հաջողություն։ Բայց Հեյլին կարող էր ցանկացած այլ անուն ընտրել իր ընկերության համար»,֊ասել են Վիկերսն ու Խաթաուն։

Նրանք նշել են, որ 2018 թվականին Բիբերի ներկայացուցիչները փորձել են գնել անունը, սակայն մերժում են ստացել։