Ալեքսեյ Նավալնիի դուստրը պատմել բանտում իր հոր կյանքի մասին

ՌԴ ընդդիմադիր քաղաքական գործիչ Ալեքսեյ Նավալնիի դուստրը՝ Դարիան, հարցազրույց է տվել CNN-ին և պատմել, թե ինչպես են իր հորը պահում նոր բանտում. անցած շաբաթ Նավալնին տեղափոխվել է Մելեհովոյի խիստ ռեժիմի գաղութ։

«Դա երկրի ամենավտանգավոր բանտերից է, որը հայտնի է բանտարկյալներին սպանելու և խոշտանգելու իր համբավով»,֊ հայտարարել է Դարիան։

Նրա խոսքով՝ քաղաքական գործչի՝ բանտում պահելու պայմանները կարելի է անվանել «հոգեբանական խոշտանգում»։

 «Հայրս չի կարող հրապարակային ելույթ ունենալ և մեկուսացված է ցանկացած տեղեկատվությունից։ Նրանք նրան ոչ մի տեղ չեն թողնում գնալ, և մարդկանց թույլ չեն տալիս խոսել նրա հետ»,֊ավելացրել է նա։

Ինչպես նշել է Դարիան, Նավալնիի ընտանիքին չեն ծանուցել տեղափոխության մասին, ինչն անհանգստացրել է նրա հարազատներին։ Աղջիկը հավելել է, որ ՌԴ նախագահ Վլադիմիր Պուտինը չի ցանկանում, որ հորն ազատ արձակեն։

Ինչպես հայտնի է, մարտին Նավալնին դատապարտվել է ինը տարի ազատազրկման խիստ ռեժիմի գաղութում, իսկ ազատ արձակվելուց հետո՝ մեկուկես տարի սահմանափակ ազատություն կունենա։

Այս տարվա ապրիլին Նյու Յորքում տեղի ունեցավ «Նավալնի» վավերագրական ֆիլմի շնորհանդեսը, որը նկարահանվել է կանադացի ռեժիսոր Դանիել Ռոերի կողմից՝ CNN Films-ի և HBO Max-ի աջակցությամբ։ Պրեմիերային ներկա են եղել Նավալնիի կինն ու դուստրը։