12-ամյա տղան անհաջող քիմիական փորձից հետո հայտնվել է վերակենդանացման բաժանմունքում

ԱՄՆ-ում 12-ամյա տղան հիվանդանոց է տեղափոխվել քիմիական անհաջող փորձից հետո։ Այս մասին հայտնում է New York Times-ը։

Միջադեպը տեղի է ունեցել Հյուսիսային Կարոլինայում։ Բարեթ ՄաքՔիմը վաղ մանկությունից հետաքրքրված է գիտությամբ և սիրում է տարբեր փորձեր անցկացնել հենց տանը։ Դեպքի նախօրեին տղան սկսել է հետաքրքրվել քարերով ու որոշել է փորձել փոխել դրանց գույնը։

Փորձի արդյունքում պայթյուն է տեղի ունեցել, և երեխան ծանր այրվածքներ է ստացել ամբողջ մարմնով մեկ։ Սակայն Բարեթի ծնողները դեռ չգիտեն, թե կոնկրետ ինչն է պայթյունի պատճառ դարձել։

«Մենք չգիտենք, թե դա առաջացել է ժայռերի քարերի մեկի հետևանքով, թե՞ Բունզենի այրիչի պատճառով: Իրականում չգիտենք, թե ինչն է պայթյունի պատճառ դարձել, բայց այն պայթել է հենց նրա դեմքին և այրվածքներ առաջացրել»,- պատմել է տղայի հայրը։

Բժիշկները տուժածի մոտ ախտորոշել են մարմնի 50%-ի այրվածքներ՝ 20%-ը՝ երրորդ աստիճանի, 30%-ը՝ երկրորդ աստիճանի։ Նրա տեսողությունը հնարավոր է եղել փրկել այն բանի շնորհիվ, որ Բարեթը ակնոցներ է օգտագործել։

«Մենք շատ շնորհակալ ենք նրան այս պայթյունի ժամանակ ակնոցներ կրելու համար, քանի որ դրանք իսկապես պաշտպանել են նրա դեմքի մի մասը և, իհարկե, աչքերը»,- ասել է տղայի հայրը։