Մասնագետները բացատրել են՝ ինչու չի կարելի շներին հում միս տալ

Բրիստոլի համալսարանի գիտնականները պարզել են, որ շներին հում մսով կերակրելը հանգեցնում է բակտերիաների հակաբիոտիկների նկատմամբ կայունության զարգացմանը։ Աշխատանքը հրապարակված է Journal of Antimicrobial Chemotherapy ամսագրում։ Հում մսով կերակրվող շների կղանքն ավելի շատ է հակաբիոտիկների նկատմամբ կայուն:

Հետազոտությանը ընդհանուր առմամբ մասնակցել է 823 շուն։ Սեփականատերերը հարցաթերթիկներ են լրացրել իրենց շների, նրանց սննդակարգի, շրջակա միջավայրի մասին և իրենց շներից կղանքի նմուշներ են տրամադրել:

Նմուշները վերլուծվել են, այնուհետև գիտնականները համեմատական ​​վերլուծություն են անցկացրել՝ ուսումնասիրելու կենդանու ապրելակերպի և կայուն E. coli-ի հայտնաբերման միջև կապը:

Վտանգը նրանում է, որ այս բակտերիան կենդանու հետ ամենօրյա շփման արդյունքում կարող է փոխանցվել շնից տիրոջը։ E. coli-ն տարածված մանրէ է և հանդիսանում է բազմաթիվ հիվանդությունների, այդ թվում՝ միզուղիների վարակների տարածված պատճառ: Հակաբիոտիկների նկատմամբ կայունությունը այն ավելի վտանգավոր է դարձնում: