Քահանան բացահայտել է Լաս Վեգասում Ջենիֆեր Լոպեսի և Բեն Աֆլեքի հարսանիքի մանրամասները

Այս շաբաթվա վերջին Ջենիֆեր Լոպեսը և Բեն Աֆլեքը ամուսնացան Լաս Վեգասում, և այս իրադարձության մանրամասները շարունակում են հայտնվել մամուլում։ Ռայան Վուլֆը՝ հարսանյաց մատուռի հովիվը, որը հայտնի է՝ որպես A Little White Wedding մատուռ, զրուցել է People-ի թղթակցի հետ: Հենց նա է անցկացրել շաբաթ օրը աստղերի հարսանեկան արարողությունը։

Նա ասել է, որ Ջենիֆերն ու Բենն էին պատրաստել իրենց փոքրիկ երդումները հարսանիքի համար. «Դրանք հիանալի խոսքեր էին, շատ զգացմունքային պահ, որը ցույց տվեց, թե որքան են նրանք սիրում միմյանց»։

Ինչպես պարզվել է, անձամբ հովվի համար աստղային զույգի արարողությունն անակնկալ էր։ Այդ երեկո նա արդեն հինգ հարսանիք էր արել և պատրաստվում էր փակել մատուռը, երբ հանկարծ հայտնվել են հայտնի մարդիկ։ «Մենք արդեն ամեն ինչ փակել էինք։ Իհարկե, ես գիտեմ, թե ով է Ջենիֆեր Լոպեսը, բայց ամեն օր չէ, որ Բեն Աֆլեքն ու Ջենիֆեր Լոպեսը հայտնվում են դռան շեմին: Նրանց դեմքերը ծանոթ էին, բայց ես սկզբում չճանաչեցի նրանց հենց այն պատճառով, որ չէի սպասում նրանց այստեղ տեսնել»,֊ասել է հովիվը:

Վուլֆն ասել է, որ միայն այն ժամանակ, երբ հարսն ու փեսան փոխել են իրենց հարսանեկան զգեստները, նա հասկացել է, թե ով է իր առջևում։ Հովվի խոսքով՝ Ջենիֆերի և Բենի հետ ժամանել են երկու երեխա՝ Լոպեսի 14-ամյա դուստրը՝ Էմմին և Աֆլեքի երեխաներից մեկը (Վուլֆը չի նշել, թե կոնկրետ ով): Հենց նրանք են եղել հարսանիքի վկաները, թեև դա սովորաբար թույլատրվում է միայն նրանց, ովքեր արդեն 18 տարեկան են։

«Արարողության ավարտին նրանց երեխաները շատ կենսուրախ էին, պարզ երևում էր, որ նրանք շատ մտերիմ են, գերազանց հարաբերություններ ունեն։ Երկուսն էլ իսկապես երջանիկ տեսք ունեին»,֊ ասել է Վուլֆը։

Ինչպես պատմում է քահանան, աստղերի երեխաները հեռախոսով նկարահանել են արարողությունը. պրոֆեսիոնալ լուսանկարիչներ ու տեսանկարահանողներ չեն եղել։