Միշել Օբաման ինքնաճանաչման մասին նոր գիրք է գրել

ԱՄՆ նախկին առաջին տիկին Միշել Օբաման ներկայացրել է իր նոր գիրքը՝ «Լույսը, որը մենք բերում ենք»: Գիրքը նախատեսվում է թողարկել 2022 թվականի նոյեմբերի 15-ին Penguin Random House-ի կողմից, որը նախկինում հրապարակել էր նրա ինքնակենսագրությունը։

Նոր գրքում Միշել Օբաման կխոսի իր կյանքի սկզբունքների ու սովորությունների մասին, որոնք օգնում են իրեն կյանքում, ինչպես նաև կխոսի ինքնաճանաչման և իր մեջ ներշնչանք փնտրելու անհրաժեշտության մասին։

«Ինչպե՞ս ենք մենք հաղթահարում մեր վախերը: Ինչպե՞ս կարող ենք մեր վրդովմունքն ուղղել դեպի դրական բան: Եվ ինչպե՞ս կարող ենք կրկին վառել այն բոցը, որը յուրաքանչյուրիս ներսում է:

Նորմալ է գիտակցել, որ ինքնագնահատականը կապված է խոցելիության հետ, և մեզ միավորողը լավագույնին ձգտելու մղումն է՝ միշտ, անկախ ամեն ինչից: Մենք դառնում ենք ավելի համարձակ։ Եթե ​​դու գիտակցում ես քո լույսը, դու ճանաչում ես ինքդ քեզ: Ինքնաճանաչումը վստահություն է ձևավորում, որն իր հերթին բերում է հանգստություն և վերջապես հանգեցնում է ուրիշների հետ իմաստալից շփվելու կարողությանը, և դա ինձ համար ամեն ինչի հիմքն է»,֊ասվում է գրքի անոնսում։

Գիրքը տպագրվելու է 14 լեզուներով և ԱՄՆ-ում կունենա ավելի քան 2 միլիոն տպաքանակ:

Միշել Օբամայի «Becoming» հուշագրությունը, որը թողարկվել է 2018 թվականին, մեծ հաջողություն է ունեցել․ ամբողջ աշխարհում վաճառվել է ավելի քան 17 միլիոն օրինակ։