Հայտնի է՝ որքան է ստացել Հոլիվուդի ամենաբարձր վարձատրվող դերասանուհին՝ Մարգո Ռոբին, «Բարբիի» համար

Մարգո Ռոբիին «Բարբիում» իր դերի համար վճարվել է 12,5 միլիոն դոլար։ Այսպիսով, 32-ամյա ավստրալուհին այժմ համարվում է ամենաբարձր վարձատրվող հոլիվուդյան դերասանուհին։

Նախկինում Մարգոն իր ամենամեծ շահույթը ստացել էր «Գիշատիչ թռչունները» բլոքբասթերից՝ 2020 թվականին Հարլի Քուինի դերի համար նրան վճարել են 10 միլիոն դոլար։

Հիշեցնենք, որ պաշտամունքային տիկնիկի մասին պատմող «Բարբի» ֆիլմում Ռայան Գոսլինգը խաղում է Ռոբիի հետ միասին, նրան Քենի դերի համար վարձատրել են նույնքան, որքան Մարգոյին։

Հատկանշական է, որ Variety-ի կողմից կազմված մինչ օրս ամենաբարձր վարձատրվող աստղերի ցուցակում, բացի Մարգո Ռոբիից, կա ընդամենը չորս կին։ Նրանք են Միլի Բոբի Բրաունը (10 միլիոն դոլար «Էնոլա Հոլմս 2»-ի համար), Էմիլի Բլանթը (4 միլիոն դոլար՝ «Օպենհայմերի» համար), Ջեյմի Լի Քերթիսը (3,5 միլիոն դոլար՝ «Հելոուինի ավարտի» համար և Անյա Թեյլոր-Ջոյը (1,8 միլիոն՝ «Ֆուրիոսայի» համար): Աշխատավարձի առումով բացարձակ առաջատարը տղամարդ դերասաններն են։ Թոմ Քրուզը այդ առումով գտնվում է անհասանելի գագաթնակետին.Երկրորդ տեղը զբաղեցրել է Ուիլ Սմիթը, ում 2023 թվականի «Emancipation» թրիլլերում նկարահանվելու վարձատրությունը կազմում է 35 միլիոն դոլար։ Երրորդում՝ Լեոնարդո Դի Կապրիոն է․ Մարտին Սկորսեզեի «Ծաղկած լուսնի մարդասպանները» ֆիլմում նրա դերը նրան 30 միլիոն դոլար է բերել։ Նույնքան կստանա Բրեդ Փիթը, ով նկարահանվում է «Ֆորմուլա 1»-ի դեռևս անանուն դրամայում: Լավագույն հնգյակը եզրափակում է Դուեյն Ջոնսոնը, ով 22,5 միլիոն դոլարով հարստացել է սուպերհերոսական «Black Adam» ֆիլմում գլխավոր դերակատարման շնորհիվ: