Տղամարդը կնոջ հետ վիճաբանելու պատճառով դուրս է նետվել շարժվող մեքենայից
ԱյլՍինգապուրում 28-ամյա երիտասարդը կնոջ հետ վիճաբանության ժամանակ դուրս է նետվել շարժվող տաքսիից։ Այս մասին հայտնում է AsiaOne-ը։
Դեպքից հետո վարորդը կանգնեցրել է մեքենան՝ ստուգելու՝ արդյոք ուղեւորի հետ ամեն ինչ կարգին է։ Տղամարդու արմունկներն ու ծնկները արյունոտ են եղել, բայց նա, այնուամենայնիվ, փորձել է փախչել։ Կինը նույնպես դուրս է թռել տաքսուց ու հետապնդել ամուսնուն՝ շարունակելով բղավել նրա վրա։ Տղամարդը նրան նույն կերպ է պատասխանել:
Տուժածին տեղափոխել են հիվանդանոց և կալանավորել Սինգապուրի Հոգեկան առողջության մասին օրենքի համաձայն, որը ոստիկանությանը իրավունք է տալիս կալանավորել այն անձանց, ովքեր իրենց հոգեկան խանգարումների պատճառով վտանգ են ներկայացնում իրենց կամ ուրիշների համար: Ավելի ուշ տղամարդուն ուղարկել են Հոգեկան առողջության ինստիտուտ՝ հետազոտության։