Լավրովն ու Բլինքենը քննարկել են Ուկրաինայի ներկայիս իրավիճակը. ՌԴ ԱԳՆ

Ռուսաստանի Դաշնության արտգործնախարար Սերգեյ Լավրովն ու ԱՄՆ-ի պետքարտուղար Էնթոնի Բլինքենը քննարկել են Ուկրաինայում տիրող իրավիճակը։

ՌԴ ԱԳՆ-ի փոխանցմամբ՝ Լավրովը ուրվագծել է ռուսական սկզբունքային մոտեցումները՝ Դոնեցկի Ժողովրդական Հանրապետության, Լուգանսկի Ժողովրդական Հանրապետության եւ Ուկրաինայի տարածքում շարունակվող հատուկ ռազմական գործողության լույսի ներքո՝ ընդգծելով, որ դրա նպատակներն ու այդ հարցում իրենց առջեւ դրված խնդիրները լիովին կիրականացվեն։

ՌԴ ԱԳՆ-ը հայտնել է, այս համատեքստում պետքարտուղարի ուշադրությունը հրավիրվել է այն փաստի վրա, որ խաղաղ բնակչության դեմ լայնորեն ԱՄՆ-ի եւ ՆԱՏՕ-ի զինատեսակների կիրառմամբ Ուկրաինայի զինված ուժերի եւ ազգային գումարտակների շարունակվող պայքարը միայն երկարացնում է Կիեւի ռեժիմի հոգեվարքը՝ ձգձգելով հակամարտությունն ու բազմապատկելով զոհերի թիվը։ Լավրովն ընդգծել է, որ Ռուսաստանի զինված ուժերը խստորեն պահպանում են միջազգային իրավունքի նորմերը, իսկ ազատագրված տարածքներում, քաղաքացիական կյանքին վերադառնալու ուղղությամբ, համակարգված աշխատանքներ են տարվում:

Մանրամասն դիտարկվել է պարենային գլոբալ անվտանգության ապահովման ոլորտում ստեղծված իրավիճակը։ Բլինքենը տեղեկացվել է այս տարվա հուլիսի 22-ին ստորագրված «փաթեթային» համաձայնագրի մանրամասների մասին, Ստամբուլում՝ Սեւ ծովի նավահանգիստներից ուկրաինական հացահատիկի փոխադրման եւ սննդամթերքի ու պարարտանյութերի ռուսական արտահանման խթանման մասին։ Լավրովն ընդգծել է, որ ամերիկյան պատժամիջոցների պատճառով իրավիճակը բարդանում է, իսկ ռուսական սննդի մատակարարումների համար համապատասխան բացառություններ տրամադրելու ԱՄՆ-ի խոստումները դեռեւս չեն իրականացվել։ Նշվում է Արեւմուտքի կողմից այդ խնդրի կիրառման անընդունելիությունը՝ հանուն աշխարհաքաղաքական շահերի։

Վերոնշյալ խնդիրներից բացի, մտքերի փոխանակում է տեղի ունեցել երկկողմ հարաբերությւոնների վերաբերյալ: Անդրադառնալով ամերիկացի եւ ռուս բանտարկյալների փոխանակմանը՝ ռուսական կողմն առաջարկել է վերադառնալ պրոֆեսիոնալ, առանց սպեկուլյատիվ տեղեկատվական լցոնումների, երկխոսության՝ հանգիստ դիվանագիտության ռեժիմով: