Պիկեն Շակիրայից պահանջել է 400 000 եվրո և տարեկան ինքնաթիռի 5 տոմս

«Բարսելոնայի» պաշտպան Ժերար Պիկեն համաձայնել է կոլումբիացի երգչուհի Շակիրային թույլ տալ իրենց երեխաներին Մայամի տեղափոխել, սակայն առաջ է քաշում երկու պայման, հայտնում է Marca-ն։

Աղբյուրի փոխանցմամբ՝ իսպանացի ֆուտբոլիստը պահանջել է իրեն տարեկան հինգ տոմսի գումար վճարել Մայամի մեկնող առաջին կարգի ինքնաթիռով, որպեսզի կարողանա տեսնել իր երեխաներին։ Նա նաև ցանկանում է, որ Շակիրան փակի իր պարտքը, որը կազմում է մոտավորապես 400,000 դոլար:

Հիշեցնենք, որ Պիկեն և Շակիրան իրենց բաժանման մասին հայտարարել են 2022 թվականի հունիսին։ Հաղորդվում էր, որ զույգի բաժանման պատճառը ֆուտբոլիստի դավաճանությունն է։ Զույգը երկու երեխա ունի՝ Միլան (9 տարեկան) և Սաշան (6 տարեկան)։

Հիշեցնենք, որ Պիկեն և Շակիրան հարաբերությունների մեջ են 2011 թվականից, մինչդեռ նրանք պաշտոնապես ամուսնացած չեն եղել։