Ամերիկացի ռեփեր Doja Cat-ն ուղիղ եթերում սափրել է մազերը և հոնքերը

Ամերիկացի 26-ամյա ռեփեր Doja Cat-ը սափրվել է մազերը և հոնքերը սոցիալական ցանցերում ուղիղ եթերի ժամանակ։ Այս մասին հայտնում է E!-ն։

«Ես զգում եմ, որ երբեք չպետք է մազեր ունենայի: Ինձ երբեք դրանք դուր չեն եկել: Հատկապես մարզումից հետո, երբ դրանք դառնում են կպչուն և յուղոտ»,- ուղիղ եթերում ասել է Doja Cat-ը:

Այս խոսքերից հետո կատարողը վերցրել է ածելին ու նախ սափրել մազերը, իսկ հետո՝ հոնքերը։ Նա ամբողջ ընթացքը նկարահանել է տեսախցիկով՝ առաջացնելով հանդիսատեսի հակասական արձագանքը։

«Ես պարզապես չեմ կարող հավատալ, որ ինձնից այդքան ժամանակ պահանջվեց ինքս ինձ ասելու համար. «Ուղղակի սափրիր գլուխդ», - ասել է երգչուհին:

Doja Cat-ն Instagram-ում ունի ավելի քան 24,1 միլիոն հետևորդ: Ռեփերը հայտնի դարձավ 2019 թվականին՝ շնորհիվ սոցիալական ցանցերում տարածված «Candy» և «Mooo!» թրեքերի։ Նա դուետներ է ձայնագրել Tyga-ի, Nicki Minaj-ի, The Weeknd-ի և այլ հայտնի արտիստների հետ, ինչպես նաև նոմինացվել է Grammy-ի երեք մրցանակների։