Ընտանիքը նամակ է ստացել մահացած որդուց (լուսանկարներ)

Միսիսիպիի ընտանիքներից շշի մեջ հաղորդագրություն է ստացել, որը գրել է իրենց որդին 33 տարի առաջ: Նա մահացել է մի քանի տարի առաջ, հայտնում է USA Today-ը:

Վիկսբուրգ քաղաքում գտնվող նավաշինարանի աշխատակիցները հաղորդագրությունը գտել են Յազո գետի վրա փրկարարական զբոսանավով նավարկելիս: Փրկարար ջրասուզորդ Բիլլի Միտչելն առաջինն է նկատել հաղորդագրությունով կանաչ շիշը։ «Ես միշտ այդպիսին եմ: Միշտ յուրահատուկ իրեր եմ փնտրում»,- բացատրել է նա։

Միտչելը զգուշորեն հանել է թուղթը շշից ու չորացրել։ Հաղորդագրության մեծ մասը վնասվել էր, սակայն տղամարդը և նրա ղեկավար Բրեդ Բաբը կարողացել են վերականգնել մնացածը։ Նրանք վերծանել են Դալ ազգանունը, 1989թ., տեղը՝ «Օքսֆորդ, Միսիսիպի», «խնդրում եմ», «շնորհակալություն» բառերը և նրանց ծիծաղ առաջացնող արտահայտությունը՝ «զանգել կամ հավաքել հեռախոսահամարը»։ Այս ամենը գրվել է մանկական ձեռագրով։

«Մենք բոլորս հոգով երեխաներ ենք: Մենք կարող էինք մեզ պատկերացնել այս 11-ամյա տղայի դերում: Այս ամենը ոգևորեց մեզ, և որոշեցինք գտնել այդ տղային, քանի որ նա հարազատ ոգի էր, և նրա փոխարեն կցանկանայինք, որ գտնվեինք », - ասել է Բաբը:

Նրանք մնացին աշխատավայրում, սկսեցին զանգահարել դպրոցներ և հաղորդագրության լուսանկարը տեղադրել նավաշինարանի սոցիալական ցանցի էջում: Գրառումը վիրուսային դարձավ և օգնեց բացահայտել առեղծվածը:

Պարզվեց, որ շշով հաղորդագրությունը դպրոցական նախագիծ էր, որը Բրայան Դալն արել էր, երբ վեցերորդ դասարանում էր՝ 1989 թվականին։ Շիշը լողացել է 320 կիլոմետր ու հայտնվել Յազու գետում։ Եթե ​​նա մի փոքր հակառակ կողմ շրջվեր` կարող էր հայտնվել Միսիսիպի գետում և գուցե նույնիսկ Մեքսիկական ծոցում:

Հետագայում այդ երիտասարդը հաղթահարել է քաղցկեղը, բայց մահացել 29 տարեկանում սեփական տանը` դժբախտ պատահարի հետևանքով։ Դալի ծնողները՝ Էրիկը և Մելանին, և նրանց երկրորդ որդին՝ Քրիսը, ուղևորվել են ԱՄՆ Օքսֆորդ քաղաքից Միսիսիպի նահանգ, որպեսզի հանդիպեն հաղորդագրությունը գտած աշխատողներին:

«Նա կյանքում հաղթող էր, քանի որ գիտեր, թե ինչպես ընկերանալ և կապվել մարդկանց հետ: Եվ նա շարունակում է նման կապեր ներշնչել»,- ասել է Էրիկը։ Մելանին նշել է, որ Բրայանը սիրում էր բեյսբոլ, ձկնորսություն, չէր վախենում օձերից և մեծանալով` դարձավ մոլի հեծանվորդ և սիրող հորեղբայր։

Նավաշինարանի աշխատակիցները առաջարկել են ընտանիքին ցույց տալ այն վայրը, որտեղ նրանք գտել են շիշը, և ընտանիքը համաձայնել է։ «Նա դեռ նրանց հետ է։ Կարծում եմ, որ մեր գտածոն հենց դրա համար էր՝ նրա ծնողներին հայտնելու, որ նա խնամում է իրենց»,- ասել է Միտչելը: