Թայվանը սպառնացել է Չինաստանին

Չինաստանը փորձում է խաթարել տարածաշրջանային խաղաղությունն ու կայունությունը Թայվանի շուրջ զորավարժությունների միջոցով, կարծում է Թայվանի վարչապետ Սու Չժենչանը, գրում է Bloomberg-ը։ Նրա խոսքով՝ Թայբեյը չի ենթարկվի Պեկինի ճնշմանը և վիճելի կղզու բնակիչներին վախեցնելու նրա փորձերին։

«Չինաստանն օգտագործել է ռազմական գործողությունները`տարածաշրջանային խաղաղությունն ու կայունությունը խաթարելու համար։ Մենք երբեք չենք տրվի ճնշումներին. մենք աջակցում ենք ազատությանը եւ ժողովրդավարությանը, եւ կարծում, որ թայվանցիները հավանություն չեն տալիս Չինաստանի վախեցնող գործողություններին»,- հավելել է Սու Չժենչհանը։

Ինչպես նշել է Թայվանի վարչապետը, Չինաստանի կառավարությունը պետք է դադարեցնի «խաղացնել ռազմական մկանները» կղզու շուրջ, քանի որ դրանից տուժում են ոչ միայն Թայբեյը, այլեւ այլ պետություններ։

«Միայն Թայվանը չէ, որ տուժում է։ Նույնիսկ հարեւան երկրները բարձրաձայն բողոքեցին, իսկ ազատասեր ու ժողովրդավարական երկրները, ինչպիսին ԱՄՆ-ն է, խստորեն դատապարտեցին դա»,- շեշտել է Սու Չժենչանգը։

Փաստացի անկախ պետություն հանդիսացող Թայվանի շուրջ առկա իրավիճակը սրվել է ԱՄՆ Ներկայացուցիչների պալատի խոսնակ Նենսի Փելոսիի Թայբեյ կատարած այցից հետո։ Քաղաքական գործիչն այցելել է վիճելի տարածք համարվող կղզի՝ չնայած ՉԺՀ-ի բողոքներին, որոնք առաջացրել են չինական կողմի ծայրահեղ բացասական արձագանքը։ Փելոսիի այցին ի պատասխան՝ Չինաստանը`Թայվանի շրջակայքում լայնածավալ զորավարժություններ ու կղզու վրա տնտեսական ճնշում գործադրելու արշավ է սկսել: