Չինաստանը սպառնացել է Կանադային՝ խորհրդարանականների` Թայվան ծրագրված այցի պատճառով

Չինաստանը նախազգուշացրել է, որ պատրաստ է «վճռական միջոցներ» ձեռնարկել, եթե Կանադան «միջամտի Թայվանի կարգավիճակի հարցին»՝ 2022 թվականի աշնանը կղզում խորհրդարանական պատվիրակության հայտարարության ֆոնին։ Այս մասին հայտնում է The Guardian-ը։

«Մենք կանադական կողմին կոչ ենք անում պահպանել «Մեկ Չինաստան» սկզբունքը և հարգել Չինաստանի ինքնիշխանությունն ու տարածքային ամբողջականությունը։ Չինաստանը խիստ և վճռական քայլեր կձեռնարկի ցանկացած երկրի դեմ, որը կփորձի միջամտել կամ ոտնձգություն կատարել Չինաստանի ինքնիշխանության և տարածքային ամբողջականության դեմ», - ասվում է Չինաստանի դեսպանատան հայտարարության մեջ։

Օգոստոսի 17-ին հաղորդվել էր, որ Կանադայի խորհրդարանի մի խումբ անդամներ մտադիր են հոկտեմբերին այցելել Թայվան՝ կղզու հետ առևտրային համագործակցությունն ընդլայնելու համար։ Խորհրդարանի Միջազգային առևտրի մշտական ​​հանձնաժողովի ութ անդամներ, որոնք նաև Կանադա-Թայվան բարեկամության խորհրդարանական խմբի անդամներ են (ցուցակում ներառված են ինչպես սենատորներ, այնպես էլ Համայնքների պալատի անդամներ):