Հարբած տղամարդը պատահաբար թանկարժեք քանդակ է գնել

Մեծ Բրիտանիայում տղամարդը պատահաբար համացանցով գնել է 4,4 մետր բարձրություն ունեցող արժեքավոր քանդակ և պարզել, որ այն կարող է վաճառել 80,000 ֆունտով: Այս մասին գրում է Metro հրատարակությունը։

Ըստ միկրոխողովակների և օդաճնշական միակցիչների ընկերության 62-ամյա սեփականատեր Գարեթ Փալմերի՝ ամեն ինչ սկսվել է այն բանից հետո, երբ ինքը որոշել է թերթել eBay-ը մի շիշ գինի խմելուց հետո: Նրա ուշադրությունը գրավել է հայտնի նկարիչ Մալքոլմ Ռոբերտսոնի «Պտտում լողավազանի մոտ» քանդակը։ Տղամարդը սկսել է սակարկել ու չի նկատել, որ հարբած վիճակում սակարկում է ինքն իր հետ։ Շփոթմունքն առաջացել է այն պատճառով, որ նա ունի երկու eBay հաշիվ՝ մեկը iPad-ում, մյուսը՝ iPhone-ում։

Արդյունքում ձեռնարկատերը արվեստի գործի համար վճարել է 20 հազար ֆունտ ստերլինգ: Նա նաև ծախսել է հինգ հազար ֆունտ առաքման համար և 800 ֆունտ` քանդակի` ոստիկանական ուղեկցության վրա։

Այժմ Փալմերը հույս ունի այն վաճառել աճուրդում 100 հազար ֆունտով: Նա իմացել է, որ 26 տարի առաջ ստեղծվելուց հետո քանդակն արժեցել է 76 հազար ֆունտ:

Hansons Auctioneers And Valuers-ի գնահատող Կարլ Մարտինն ասել է, որ աշխատանքն արժանի է հանրային ցուցադրության: Քանդակը ներկայումս գտնվում է Դերբիշիր նահանգի Աթվոլ քաղաքում գտնվող աճուրդի տան մոտ:

«Ռոբերթսոնը մրցանակակիր քանդակագործ է, որն ունի աշխատանքների լայն պորտֆոլիո ամբողջ Մեծ Բրիտանիայում և միջազգային մակարդակում», - բացատրել է Փալմերը՝ հավելելով, որ քանդակն առաջին անգամ աճուրդի կհանվի սեպտեմբերին: