Մոսկվայի «սթափեցնող հիշեցումը» Փաշինյանին՝ Բրյուսելյան հանդիպմանն ընդառաջ

Ռուսաստանի արտաքին գործերի նախարարությունը հայտարարություն է տարածել Ռուսաստանի Դաշնության և Հայաստանի Հանրապետության միջև բարեկամության, համագործակցության և փոխադարձ օգնության մասին պայմանագրի ստորագրման 25-ամյակի առթիվ: ՌԴ ԱԳՆ-ն նշում է, որ փաստաթուղթը կարևոր հանգրվան է դարձել երկկողմ գործընկերությունը իրական դաշնակցային մակարդակի բարձրացնելու ճանապարհին։ Ընդ որում, տարածված հաղորդագրության որոշ հատվածներ ուշագրավ մեսիջներ են պարունակում՝ ուղղված Նիկոլ Փաշինյանին և ՀՀ քաղաքական իշխանություններին:

«Տրամադրված ենք հետագայում ևս առանցքային դաշնակցի դիրքերից օգնել Երևանին պաշտպանունակության և սահմանային անվտանգության ամրապնդման, հարևանների հետ կապերի կարգավորման գործում։ Համոզված ենք, որ տարածաշրջանում կայունության ուղին 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ համաձայնագրերի խստիվ պահպանումն է: Լեռնային Ղարաբաղում անվտանգության ապահովման առանցքային գործոն է մնում Ռուսաստանի խաղաղապահ զորախումբը։ Մենք անկեղծորեն արժևորում ենք եղբայրական Հայաստանի հետ բարեկամությունը և տրամադրված ենք ռուս-հայկական դաշնակցային հարաբերությունների հետագա ամրապնդմանը»- մասնավորապես, ասվում է ՌԴ ԱԳՆ տարածած հաղորդագրության մեջ:

Ի՞նչ է սա նշանակում: Փաստացի Բրյուսելում նախատեսված Փաշինյան-Ալիև հանդիպմանն ընդառաջ Մոսկվան, օգտվելով առիթից, հիշեցնում է Փաշինյանին, որ դեռևս լրջագույն գործոն է Արցախում, և Մոսկվայի գլխի վրայով թռչելն իր մեջ կարող է անվտանգային խնդիրներ առաջացնել: Պատահական չէր տեքստում նաև ՀՀ սահմանային գոտիների անվտանգության ապահովման մասին հիշատակումը՝ այն էլ առանցքային դաշնակցի դերակատարությունը շեշտադրելով: Գաղտնիք չէ, որ վերջին շրջանում Փաշինյանը հաճախ է հրապարակավ կասկածի տակ դնում Արցախում ՌԴ խաղաղապահ զորախմբի արդյունավետությունը և չի զլանում կսմիթներ հասցնել Մոսկվային: Կրեմլի այս մեսիջը բացի Փաշինյանից, ուղղված էր, անշուշտ, նաև Արդբեջանին և Արևմուտքին, ով, ինչպես Մարիա Զախարովան էր արտահայտվել, փորձում է խցկվել ինչ-ինչ պրոցեսների մեջ: Մոսկվան հիշեցնում է վերը նշված ակտորներին, որ հնարավոր չէ բանակցել և ստորագրել խաղաղության պայմանագիր Արցախի մասով` առանց այդ խաղաղությունը ապահովող հիմնական և առանցքային գործոնի՝ ՌԴ-ի:

Շնորհավորական տեքստում առկա է ևս մեկ ուշագրավ հատված առ այն, որ տարածաշրջանային և միջազգային բոլոր հարցերի շուրջ Պուտինը և Փաշինյանը մշտապես քննարկումներ են ունենում: Սա մի կողմից հուշում էր Փաշինյանին, որ առանց Մոսկվայի հետ քննարկելու տարածաշրջանային և միջազգային հարցերում վեկտոր փոխելը, մեղմ ասած, չի ողջունվում:

Ըստ էության, սա Մոսկվայի ոչ պաշտոնական և տողատակով արված մեսիջն է Նիկոլ Փաշինյանին և ՀՀ իշխանություններին՝ Բրյուսելում ԵՄ քավորությամբ սպասվելիք եռակողմ հանդիպմանը ընդառաջ: Մոսկվան հիշեցնում է Փաշինյանին, որ դեռևս առնվազն անվտանգային լուրջ գործոն է, որի հետ Փաշինյանը չի կարող հաշվի չնստել, իսկ այդ գործոնի անտեսումը ունենալու է համապատասխան հետևանքներ թե՛ Նիկոլ Փաշինյանի, թե՛ Հայաստանի համար...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Մոսկվայից թռչող ինքնաթիռը հարկադիր վայրէջք է կատարել. ուղևոր է մահացե՞լ Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ)