2022 թվականին Ադրբեջանում մարդու իրավունքների հետ կապված իրավիճակը չի բարելավվել. HRW

2022 թվականին Ադրբեջանում մարդու իրավունքների վիճակը չի բարելավվել, իր տարեկան զեկույցում նշում է Human Rights Watch իրավապաշտպան կազմակերպությունը։

Զեկույցի համաձայն՝ «մայիսին իշխանություններն ազատ են արձակել քաղաքական դրդապատճառներով եւ կեղծ մեղադրանքներով բանտարկված ավելի քան 20 մարդու։ Սակայն առնվազն 30 մարդ անազատության մեջ է մնացել անօրինական կերպով, իսկ իշխանությունները շարունակել են հետապնդել իրենց քննադատներին եւ այլախոհներին»։

Հեղինակները նաեւ նշում են, որ օրենքներում սահմանափակումները շարունակում են խոչընդոտել

 ՀԿ-ների անկախ գործունեությանը։ Մարդու իրավունքների ոլորտում այլ խնդիրներ ներառում են սիստեմատիկ խոշտանգումներ եւ կոշտ վերաբերմունք, լրատվամիջոցների անազատություն եւ անկախ ԶԼՄ-ների սահմանափակումներ։

«Հուլիսին էներգետիկ ճգնաժամի ֆոնին, որն առաջացել է Ուկրաինա Ռուսաստանի ներխուժման եւ երկիր ածխաջրածինների մատակարարման հետ կապված նրա մանիպուլյացիաների պատճառով, Եվրամիությունը համաձայնագիր է ստորագրել Ադրբեջանի հետ, որն ուղղված է դեպի Եվրոպա գազի արտահանման ավելացմանը։ ԵՄ-ն չի օգտագործել երկկողմ լայն համաձայնագրի շուրջ ընթացող բանակցությունները մարդու իրավունքների հետ կապված իրավիճակի բարելավումն ապահովելու համար»,-նշվում է զեկույցում։

«Հայկական եւ ադրբեջանական ուժերի միջեւ մարտերը բռնկվել են սեպտեմբերի կեսերին, երբ Ադրբեջանը ներխուժեց Հայաստանի տարածք։ Այս բախումները դարձել են 2020 թվականին Ռուսաստանի միջնորդությամբ կնքված զինադադարի մի քանի խափանումներից մեկը, որը վերջ դրեց մարտական գործողություններին չլուծված ղարաբաղյան պատերազմի պատճառով։  Human Rights Watch-ի կողմից հաստատված տեսագրությունը ցույց է տալիս առնվազն յոթ հայ զինվորների արտադատական մահապատիժը։ Ռազմական գործողությունների սպորադիկ միջադեպերը շարունակում են սպառնալ Լեռնային Ղարաբաղի գյուղերում եւ հայ-ադրբեջանական սահմանի երկայնքով բնակվող քաղաքացիական անձանց անվտանգությանը եւ ապրուստի միջոցներին»,-նշվում է զեկույցում։

Կազմակերպությունը նաեւ պնդում է, որ Ալիեւի վարչակազմը շարունակում է հետապնդել իր քննադատներին՝ օգտագործելով թմրանյութերի պահպանման կեղծ մեղադրանքները քաղաքական ակտիվիստների եւ կառավարության քննադատների դեմ: Հաղորդագրության մեջ ասվում է, որ ձերբակալվածներից շատերը հայտնել են ոստիկանության կողմից դաժան վերաբերմունքի մասին։

Կառույցի տվյալներով՝ Ադրբեջանում քաղբանտարկյալների թիվը մոտ 30 է։ Նյու Յորքում գործող հեղինակավոր կազմակերպության տվյալներով՝ Ադրբեջանի հիմնական լրատվամիջոցները շարունակում են մնալ կառավարության խիստ հսկողության տակ, իսկ նրանք, ովքեր քննադատում են իշխանություններին, բախվում են սպառնալիքների։

HRW-ն նաեւ քննադատել է Եվրամիության իշխանություններին՝ պնդելով, որ եվրոպական դաշինքը չի օգտագործել Բաքվի հետ էներգետիկ գործարքների մասին բանավեճը մարդու իրավունքների պաշտպանության բարելավման համար:

Այս թեմայով Վեհափառը կոչ է արել միջազգային հանրությանն ու քույր եկեղեցիներին քայլեր ձեռնարկել՝ զսպելու Ադրբեջանին Ադրբեջանը հերթական նախապայմանն է իջեցնում. Տիգրան Աբրահամյան «Փաստ». Փոխանակ Հայաստանը պահանջի, դեռ մի բան էլ Ադրբեջանն է փոխհատուցման հարց բարձրացնում «Ադրբեջանը ցանկություն չունի «Խաղաղության պայմանագիր» կնքելու». Մեսրոպ Առաքելյան Մեկ տարի առաջ ձերբակալվեց Ռուբեն Վարդանյանը