Մեր հարևան Ադրբեջանի ագրեսիայի տրամադրություններն աճել են, պետք է վստահ լինենք, որ հարձակման դեպքում մենակ չենք լինելու․ ՀՀ նախագահ
Արտաքին ՔաղաքականՄեր հարևան Ադրբեջանի ագրեսիայի տրամադրություններն աճել են, դրա վկայությունն են Ադրբեջանի նախագահի` 5 օր առաջ, եթե չեմ սխալվում, մամուլի ասուլիսի իր տեսակետները, և մենք պետք է վստահ լինենք, որ հարձակման դեպքում մենք մենակ չենք լինելու։ Էստոնիայի նախագահ Ալար Կարիսի հետ հանդիպումից հետո հայտարարեց ՀՀ նախագահ Վահագն Խաչատուրյանը։
Նրա խոսքով՝ նախորդ տարվա սեպտեմբերյան հարձակումից հետո ոչ ՀԱՊԿ անդամ երկրները, ոչ էլ Ռուսաստանը Հայաստանին ռազմական օգնություն չտրամադրեցին, չեղան նաև քաղաքական հայտարարություններ, որոնք ևս ակնկալում էր Հայաստանը։
«Մինչ այդ եթե Ադրբեջանը որևէ ռազմական գործողություններ էր անում Ղարաբաղում, մենք չէինք կարող դիմել որևէ երկրի, նկատի ունեմ` ո՛չ Ռուսաստանին, ո՛չ ՀԱՊԿ անդամներին, քանի որ ՀՀ տարածքում չէր, բայց սեպտեմբերի 13-ին կոնկրետ ՀՀ տարածքի վրա էր հարձակումը` 3 տարածաշրջաններում և տարբեր ուղղություններով 5-7 կմ առաջխաղացում է ունեցել Ադրբեջանը։ Սա այն դեպքն էր, որ և՛ ՀԱՊԿ անդամ երկրները, և՛ Ռուսաստանը մեզ պետք է ռազմական օգնություն ցուցաբերեին, մենք ակնկալում էինք նաև քաղաքական հայտարարություններ։ Ո՛չ մեկը, ո՛չ մյուսը չեն եղել մինչև հիմա»,– ասաց Խաչատուրյանը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
