Պերուում տեղի ունեցած անկարգությունների պատճառով՝ աշխարհում պղնձի դեֆիցիտ է առաջացել

Պերուն հունվարի 3-ից շուկային գրեթե պղինձ չի մատակարարում երկրում բողոքի ակցիաների և անկարգությունների ֆոնին: Այդ մասին գրում է Ведомости-ն։ Համաշխարհային շուկայում մետաղի պակասը կապված է Պերուում գրեթե երկու ամիս շարունակվող անկարգությունների ու բողոքի ցույցերի հետ, նշել է հրատարակությունը։ Հրատարակության տվյալներով՝ Լաս Բամբասի պղնձի հանքը, որը պատկանում է չինական MMG ընկերությանը, արգելափակված է ցուցարարների կողմից:

Հոկտեմբերի վերջին Bloomberg-ը, հղում անելով աղբյուրներին, հայտնել էր, որ վերջին երեք շաբաթվա ընթացքում Լոնդոնի մետաղների բորսայում պղնձի կեսից ավելին թրեյդերները պատվիրել են չինացի գնորդներին առաքելու համար: Ընդ որում, դրա ճնշող մեծամասնությունը «ռուսական ծագում ունի»։

Մինչ այս աշխարհի խոշորագույն հանքարդյունաբերական BHP Group ընկերության ղեկավար Մայք Հենրին ասել էր, որ համաշխարհային շուկաները և արտադրողները մինչև տասնամյակի վերջ կբախվեն պղնձի պակասի հետ։ Մինչև 2020-ականների վերջը պղնձի պակասի հիմնական պատճառներից մեկը Հենրին անվանել է առաջարկի և պահանջարկի անհավասարակշռությունը, որը կառաջանա վերականգնվող էներգիայի աղբյուրներին անցման արագացման և հանքարդյունաբերության բարդության պատճառով: