Հրաձգություն՝ Կալիֆորնիայում. կա 10 զոհ, 10 վիրավոր (տեսանյութ)

Ամերիկյան Մոնտերեյ-Պարկ քաղաքում (Կալիֆորնիա) չինական Նոր տարվա տոնակատարության ժամանակ հրաձգություն է տեղի ունեցել, կան զոհեր և վիրավորներ։ Այս մասին հայտնում է Los Angeles Times-ը՝ հղում անելով իրավապահ մարմինների աղբյուրին։

Պարբերականի տվյալներով՝ կրակոցների մասին տեղեկությունը սկսել է հայտնվել հունվարի 21-ին տեղական ժամանակով ժամը 22։00-ից հետո։

Հաղորդվում է, որ հրաձգության հետևանքով զոհվել է առնվազն 10 մարդ, ևս 10 մարդ վիրավորվել է։ Պաշտոնապես տեղական իշխանությունները դեռ չեն մեկնաբանել իրավիճակը։

Los Angeles Times-ը նշում է, որ հունվարի 21-ին չինական լուսնային Նոր տարվա պատվին փառատոնին հավաքվել էին տասնյակ հազարավոր մարդիկ։