Զելենսկին հանդիպել է Ջոնսոնի հետ և նրան անվանել Ուկրաինայի «իսկական բարեկամ»

Ուկրաինայի նախագահը Telegram-ի իր ալիքում տեսանյութ է հրապարակել, որում երևում է, որ անձամբ է ողջունել Մեծ Բրիտանիայի նախկին վարչապետ Բորիս Ջոնսոնին, ով ժամանել է Ուկրաինա և այցելել է Բուչա քաղաք ու Կիևի մարզի Բորոդյանկա գյուղ։

«Ես ողջունում եմ Ուկրաինայի իսկական բարեկամ Բորիս Ջոնսոնին Կիևում»,- ասել է Զելենսկին՝ շնորհակալություն հայտնելով բրիտանացի քաղաքական գործչին Կիևին աջակցելու համար։

Ավելի վաղ համացանցում հայտնվել էին Մեծ Բրիտանիայի նախկին վարչապետի՝ Ուկրաինա կատարած այցի լուսանկարներն ու տեսանյութերը, որոնցում Ջոնսոնին նկարահանել էին ավերված շենքերի ֆոնին։

The Guardian-ը գրել է Ջոնսոնի՝ Ուկրաինա այցելելու պլանների մասին՝ նշելով, որ դա կարող է վնասել Ռիշի Սունակի վստահությանը որպես բրիտանական կառավարության ներկայիս ղեկավար՝ ստեղծելով «միջամտություն այն ազդանշաններին, որոնք փոխանցվում են Լոնդոնի և Կիևի միջև պաշտոնական կապի ուղիներով»։