Իրանը տարածաշրջանի եվրոպական երկրների բանակները կճանաչի որպես ահաբեկչական կազմակերպություններ. խորհրդարանի նախագահ

Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ երկիրը արագ պատասխան քայլեր կձեռնարկի, եթե ԵՄ-ն ճանաչի Իսլամական հեղափոխության պահապանների կորպուսը (ԻՀՊԿ) որպես ահաբեկչական կազմակերպություն և խոստացել է այդ դեպքում եվրոպական պետությունների բանակները հայտարարել ահաբեկչական կազմակերպություններ։ Այս մասին հայտնում է Tasnim-ը։

«Խորհրդարանը կձեռնարկի պատասխան, արագ և վճռական քայլեր՝ ԻՀՊԿ-ն որպես ահաբեկչական կազմակերպություն ճանաչելու կամ նրա դեմ պատժամիջոցներ կիրառելու ցանկացած գործողության դեմ: Մենք տարածաշրջանի եվրոպական երկրների բանակները կհայտարարենք ահաբեկչական կազմակերպություններ և անհրաժեշտ միջոցներ կձեռնարկենք դրանց հակազդելու համար»,- ասել է Ղալիբաֆը։

Միաժամանակ, Իրանի խորհրդարանի նախագահը կոչ է արել ԵՄ երկրներին «լավ մտածել» Իսլամական հեղափոխության պահապանների կորպուսի դեմ միջոցներ ձեռնարկելուց առաջ՝ դիվանագիտությունում հնարավորությունները չփակելու համար։