Ստոլտենբերգը մեկնաբանել է չինական օդապարիկի հետ կապված միջադեպը

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ ԱՄՆ-ի կողմից խոցված օդային թիրախների հետ կապված միջադեպերը վկայում են Չինաստանի և Ռուսաստանի կողմից Հյուսիսատլանտյան դաշինքի երկրների դեմ հետախուզության ակտիվացման մասին։ Այս մասին հայտնում է ՏԱՍՍ-ը։

Նրա խոսքով՝ ՆԱՏՕ-ն դա տեսնում է տարբեր ոլորտներում։ «Մենք դա տեսնում ենք և՛ կիբերոլորտում, և՛ արբանյակային ոլորտում, և՛ այս գնդակների հետ կապված: Սա ցույց է տալիս մեր զգոնության, մեր ուժեղացված ներկայության կարևորությունը»,- ասել է նա։