ՆԱՏՕ-ի գլխավոր քարտուղարն այսօր կայցելի Թուրքիա
Աշխարհ
ՆԱՏՕ-ի գլխավոր քարտուղար Յենս Ստոլտենբերգը հայտարարել է փետրվարի 16-ին նախատեսված Թուրքիա այցի մասին, գրում է Anadolu-ն։
Գլխավոր քարտուղարի խոսքով՝ ինքը մեկնում է Թուրքիա՝ համերաշխություն և աջակցություն հայտնելու ավերիչ երկրաշարժերի հետևանքների համար։
Ստոլտենբերգն ասել է, որ ծրագրում է հանդիպել նախագահ Ռեջեփ Թայիփ Էրդողանի և Թուրքիայի արտգործնախարար Մևլութ Չավուշօղլուի հետ։ «ՆԱՏՕ-ի բոլոր դաշնակիցներն ու գործընկերները իրենց խորին ցավակցություններն ու աջակցության խոսքերն են հայտնում Թուրքիային՝ կապված ավերիչ երկրաշարժերի հետ, որոնց էպիկենտրոնը գտնվում է Քահրամանմարաս նահանգում։ ՆԱՏՕ-ի անդամ երկրները կուժեղացնեն Անկարային աջակցությունը»,- վստահեցրել է նա։
Ստոլտենբերգը նշել է, որ մարդկանց ապաստանելու մոդուլային կառույցները շուտով կտեղափոխվեն Թուրքիա։
Նրա խոսքով՝ հանդիպմանը կվերլուծվի նաև ՆԱՏՕ-ի և դաշնակիցների օգնության համակարգումը։
Ստոլտենբերգը նշել է, որ դաշինքի երկրների պաշտպանության նախարարների հանդիպումը, որը տեղի է ունեցել նախօրեին, բացվել է մեկ րոպե լռությամբ։ «Շնորհակալ եմ մեր դաշնակիցներին Թուրքիային աջակցելու համար։ Ես այսօր ավարտեցի քննարկումները՝ կոչ անելով դաշնակիցներին ավելի մեծ աջակցություն և ռազմավարական օգնություն ցուցաբերել»,- ասել է նա:
Ամենադիտված 
Մնաս բարյավ. Րաֆֆի Հովհաննիսյան
