Տաջիկստանում ձնահոսքի հետևանքով՝ 15 մարդ է զոհվել

Տաջիկստանում ձնահոսքի հետևանքով` 15 մարդ է զոհվել, հաղորդում է Տաջիկստանի ԵԽ և քաղաքացիական պաշտպանության մամուլի կենտրոնը։

Հաղորդվում է, որ առատ ձյան հետևանքով առաջացած խոշոր ձնահյուսը փետրվարի 15-ի առավոտյան իջել է Գորնո-Բադախշանի ինքնավար շրջանի վարչական կենտրոնի՝ Խորոգ քաղաքի բնակելի շենքերի վրա։ Ավերվել է չորս տուն, մասամբ վնասվել է 35 բնակելի տուն և հինգ կենցաղային իր։ 14 մարդ մահացել է ԳԲԱՕ-ի, մեկը՝ Վարզոբ թաղամասի տարածքում, 12 մարդ ստացել է տարբեր աստիճանի մարմնական վնասվածքներ։

ԵԽ տվյալներով՝ փետրվարի 13-15-ը հանրապետությունում արձանագրվել է ձնահոսքի 27 դեպք։ Տաջիկստանի նախագահ Էմոմալի Ռահմոնը նախօրեին հանձնարարել է միջոցներ ձեռնարկել բնական աղետի հետևանքները արագ վերացնելու և տուժածների ընտանիքներին նյութական օգնություն ցուցաբերելու համար։