Մոսկվան խստորեն դատապարտում է Իսրայելի հարվածները Դամասկոսին․ ՌԴ ԱԳՆ
Աշխարհ
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան խստորեն դատապարտում է Իսրայելի հարվածները Դամասկոսին և դրա շրջակայքին։ Նրա մեկնաբանությունը հրապարակվել է ՌԴ ԱԳՆ պաշտոնական կայքում։
Զախարովան ասել է, որ Իսրայելի նման գործողությունները կոպտորեն խախտում են միջազգային իրավունքի նորմերը։
«Մենք խստորեն կոչ ենք անում իսրայելական կողմին դադարեցնել զինված սադրանքները ՍԱՀ-ի (Սիրիայի Արաբական Հանրապետություն - խմբ․) դեմ և զերծ մնալ այնպիսի քայլերից, որոնք հղի են ողջ տարածաշրջանի համար վտանգավոր հետևանքներով», - ասել է Զախարովան։
Նա հավելել է, որ մինչ այլ երկրներ, այդ թվում՝ Ռուսաստանը, ակտիվորեն աջակցում են Սիրիային երկրաշարժի հետևանքները հաղթահարելու հարցում, Իսրայելի «արատավոր գործելակերպը» բացարձակապես անընդունելի է։
Ամենադիտված 
Մնաս բարյավ. Րաֆֆի Հովհաննիսյան
