20-ամյա դաղստանցի բլոգեր Հասբիկը դարձել է միլիոնատեր

Դաղստանցի բլոգեր Հասբուլա Մագոմեդովը, որը հայտնի է Հասբիկ մականունով, դարձել է դոլարային միլիոնատեր։

Forbes-ի տվյալներով՝ վերջին երեք տարիների ընթացքում 20-ամյա բլոգերը վաստակել է 2,2 մլն դոլար, որը կազմում է 160 մլն ռուբլի։ Գումարի մեծ մասը, ըստ մասնագետների, Հասբիկը վաստակել է YouTube-յան տեսանյութերի և UFC-ի հետ պայմանագրի շնորհիվ։

93 սմ հասակով Հասբիկը սկսել է հայտնիություն ձեռք բերել 2019 թվականին։ 2022 թվականին նա հինգ տարվա պայմանագիր է կնքել UFC-ի հետ։ Անցյալ աշնանը Հասբիկը երկրպագուների հանդիպում անցկացրեց Արգենտինայի Բուենոս Այրեսում: Տեղական լրատվամիջոցների փոխանցմամբ՝ բլոգերի հետ հանդիպման տոմսերն արժեցել են 3-ից 18 հազար դոլար։