Ռուսաստանին «կպատառոտեն», եթե նա առանց հաղթանակի դադարեցնի Ուկրաինայում ռազմական գործողությունները. Մեդվեդև
Աշխարհ
ՌԴ Անվտանգության խորհրդի ղեկավարի տեղակալ Դմիտրի Մեդվեդևը հայտարարել է, որ Ռուսաստանի Դաշնությունը «պատառոտվելու վտանգի տակ է», եթե փորձի դադարեցնել հատուկ գործողության անցկացումը՝ առանց հաղթանակ տանելու»։ Այս մասին տեղեկանում ենք ռուս քաղաքական գործչի Telegram ալիքից։
Այսպիսի կարծիք է հայտնել Մեդվեդևը՝ մեկնաբանելով Վարշավայում ԱՄՆ նախագահ Ջո Բայդենի ելույթը։
«Հայտնի արտահայտությունը վերափոխելով՝ Բայդենը Վարշավայում ասել է. «Եթե Ռուսաստանը դադարեցնի իր ներխուժումը, այն կավարտվի հենց հիմա: Եթե ուկրաինացիները դադարեն պաշտպանվել, դա կլինի Ուկրաինայի վերջը»: Սա զտված սուտ է»,- ընդգծել է Մեդվեդևը:
«Եթե Ռուսաստանը կանգնեցնիռազմական հատուկ գործողությունն՝ առանց հաղթանակի, Ռուսաստանը կդադարի գոյություն ունենալ, այն կպատառոտվի», - եզրափակել է Մեդվեդևը իր գրառումը։
Նա նաև հավելել է, որ երբ ամերիկյան կողմը դադարեցնի զենք մատակարարել Ուկրաինային, ռազմական գործողությունները կարող են ավարտվել։
Ամենադիտված 
Մնաս բարյավ. Րաֆֆի Հովհաննիսյան
