Անհաջող կատակի պատճառով 12-ամյա դերասանուհին զրկվել է քայլելու հնարավորությունից

Մալայզիայից 12-ամյա դերասանուհի Պուտերի Ռաֆասիան անհաջող կատակից հետո կոտրել է ազդրը։ Այն մասին, թե ինչպես է կատակի պատճառով 12-ամյա դերասանուհին զրկվել քայլելու հնարավորությունից, հայտնում է Asia One-ը։

Փետրվարի 22-ին, երբ Ռաֆասիան նկարահանվում էր դրամատիկ սերիալում, նկարահանման հրապարակում ներկաներից մեկը դերասանուհու տակից հանել է աթոռը։ Նա ընկել է և մեջքով հարվածել մոտակա սարքավորումներին: Աղջիկը կոտրել է ազդրը և այս պահին հաշմանդամի սայլակում է։ Նա նաև պետք է տակդիր կրի, քանի որ չի կարողանում ինքնուրույն քայլել դեպի զուգարան:

Բացի այդ, Ռաֆասիան ստիպված է եղել լրացուցիչ բուժում անցնել, քանի որ տառապում է անմիզապահությամբ։ Աղջկա մոր՝ Ֆաթին Ալիզա Սալմիի խոսքով, այս պահին նրա վիճակը չի բարելավվում։ Նա նաև հայտարարել է, որ կատակ անողի ընտանիքը ներողություն չի խնդրել։ Նշվում է, որ դերասանուհու ստացած վնասվածքների հեղինակը կապված է իր գործընկերոջ հետ։ Սալմին ընդգծել է, որ միջադեպը ոչ միայն ֆիզիկապես է ազդել Ռաֆասիայի վրա, այլև լուրջ հոգեբանական տրավմա է պատճառել նրան։

Դերասանուհու ընտանիքը սոցցանցում պատմել է կատարվածի մասին և այժմ օգտատերերի հետ պարբերաբար կիսվում է նրա ապաքինման ընթացքով։ Շատերը Ռաֆասիային մաղթել են, որ շուտ ապաքինվի և նրա ընտանիքին խորհուրդ են տվել պատասխանատվության ենթարկել հանցագործին։