Մեսսիին ձերբակալել են

Արգենտինայի հավաքականի հարձակվող Լիոնել Մեսսին ձերբակալվել է Չինաստանի օդանավակայանում, հայտնում է K.Sina-ն։

Ավելի վաղ ԶԼՄ-ներում տեղեկություն էր տարածվել, որ Մեսսիին չինական ոստիկանությունը բերման է ենթարկել անձնագրի հետ կապված խնդիրների պատճառով։ Նշվում է, որ նրա խնդիրը լուծվել է 20 րոպեում։ Սակայն Մեսսին իսկապես երկու ժամով կալանավորվել է, իսկ կալանավորման ստույգ պատճառը այս պահին հայտնի չէ։

Մեսսին Չինաստան է մեկնել յոթերորդ անգամ։ Սա նրա առաջին այցն է 2017 թվականից հետո։ Երկիր կատարած նախորդ այցերից յուրաքանչյուրի ժամանակ ֆուտբոլիստի բազմաթիվ երկրպագուներ ջերմ ընդունելության են արժանացրել նրան։