Շվեդիայում մեկնարկել է սեքսի առաջնությունը

Տեղեկությունն այն մասին, որ Շվեդիայում սեքսը ճանաչվել է՝ որպես սպորտաձև, պարզվել է, որ չի համապատասխանում իրականությանը։ Այս մասին հայտնի է դառնում Daily Mail-ի հրապարակումից։

Հունիսի սկզբին տեղեկություններ եղան, որ Շվեդիան պաշտոնապես ճանաչել է սեքսը՝ որպես սպորտաձև, և որ առաջին առաջնությունը կանցկացվի Գյոթեբորգում՝ Շվեդիայի սեքսուալ ֆեդերացիայի հովանու ներքո։ Մրցաշարի կազմակերպչի տարածած այս հայտարարությունները երկրում սկանդալ են առաջացրել՝ Սպորտի նախարարությունը ստիպված է եղել պաշտոնապես հերքել։ Պարզվել է, որ ստրիպտիզ ակումբների ցանցի սեփականատեր և SSF կայքի սեփականատեր, Շվեդիայի քաղաքացի Դրագան Բրատիչը, իրոք, դիմել է սեքսը՝ որպես սպորտաձև գրանցելու համար, սակայն այն մերժվել է։

Չնայած դրան, առաջնությունն, այնուամենայիվ, մեկնարկել է հունիսի 8-ին։ Այս պահին դրան մասնակցում են 19 երկրների ներկայացուցիչներ։ Մինչ մրցույթի մեկնարկը բոլոր մասնակիցները ստուգվել են սեռական ճանապարհով փոխանցվող հիվանդությունների համար։ 

Առաջնությունը կտևի մի քանի շաբաթ։ Մրցումները կշարունակվեն օրական վեց ժամ, մարզիկները կմրցեն 16 տարբեր անվանակարգերում: Մրցաշարը կներառի երեք փուլ։ Որակավորման փուլն անցնելու համար անհրաժեշտ կլինի որոշակի քանակությամբ միավորներ հավաքել: Մրցույթի մասնակիցներին կդատի հինգ դատավորներից բաղկացած ժյուրին, սակայն եզրափակիչ փուլում ամեն ինչ կորոշի հանդիսատեսը, ում կառաջարկվի առցանց քվեարկել հաղթողի օգտին։