Ղրիմի սահմանային կետում պայթյուն է որոտացել
Աշխարհ
Ղրիմի Լենինսկի շրջանի սահմանային պահակակետում ինքնաշեն պայթուցիկ սարք է պայթել։ Այս մասին գրում է Baza Telegram ալիքը։
Նախնական տվյալներով՝ միջադեպի հետևանքով կան տուժածներ։
Ըստ Baza-ի, ներկայումս անվտանգության ծառայությունները հետաքննում են, թե ով է տեղադրել պայթուցիկ սարքը։
Օգոստոսի 6-ին Ղրիմի Հանրապետության ղեկավար Սերգեյ Ակսյոնովը հայտնել է, որ Ուկրաինայի Զինված ուժերը հրթիռային հարձակում են իրականացրել Չոնգարսկի կամրջի տարածքում։
Խերսոնի շրջանի նահանգապետի պաշտոնակատար Վլադիմիր Սալդոյի խոսքով՝ ուկրաինացի զինվորականները Storm Shadow հրթիռներով գնդակոծել են Չոնգարսկի կամուրջը և Չոնգար գյուղը։
Ավելի ուշ Ղրիմի տրանսպորտի նախարարությունը հայտնել է, որ Ջանկոյ անցակետի աշխատանքը ժամանակավորապես դադարեցվել է։
Հուլիսի 22-ին Սերգեյ Ակսյոնովը հայտնել է, որ ուկրաինական անօդաչու թռչող սարքերը հարձակվել են Ղրիմի Կրասնոգվարդեյսկի շրջանում գտնվող զինամթերքի պահեստի վրա։ Նրա խոսքով՝ տեղի է ունեցել զինամթերքի պայթեցում։
Ամենադիտված 
Մնաս բարյավ. Րաֆֆի Հովհաննիսյան
