Սիրիայի նախագահը գնահատել է Իրանի և Ռուսաստանի ազդեցությունը երկրում ստեղծված իրավիճակի վրա

Սիրիայի նախագահ Բաշար ալ-Ասադը հայտարարել է, որ Ռուսաստանի և Իրանի աջակցությունը կարևոր ազդեցություն է ունեցել ճգնաժամին դիմակայելու երկրի կարողության վրա։ Այս մասին հայտնում է Sky News Arabia-ն։

«Մեր ընկերների (Իրանի և Ռուսաստանի) աջակցությունը կարևոր ազդեցություն ունեցավ Սիրիայի գոյատևման վրա»,- ասել է Սիրիայի նախագահը։

Մինչ այս Սիրիայում պատերազմող կողմերի հաշտեցման ռուսական կենտրոնի ղեկավարի տեղակալ, կոնտրադմիրալ Վադիմ Կուլիտը հայտարարել էր, որ Ռուսաստանը թույլ չի տա զինյալներին սադրանքներ իրականացնել Սիրիայում ռուս զինվորականների դեմ։