Ուկրաինան և Մեծ Բրիտանիան բանակցություններ են սկսել Կիևի անվտանգության երաշխիքների շուրջ։ Այս մասին Rada հեռուստաալիքի եթերում հայտարարել է Ուկրաինայի նախագահի գրասենյակի ղեկավար Անդրեյ Երմակը։
«Այսօր մեր ամերիկացի գործընկերներից հետո խորհրդակցություններ սկսեցինք Մեծ Բրիտանիայից ժամանած մեր ընկերների հետ։ <…> Այս երաշխիքները մեզ կօգնեն ձևավորել մեր պաշտպանունակությունը»,- ասել է նա՝ նշելով, որ Կիևի իշխանությունները ակնկալում են մինչև 2023 թվականի վերջը կնքել անվտանգության երաշխիքների վերաբերյալ առաջին երկկողմ համաձայնագրերը։
Երմակը նաև հավելել է, որ Ուկրաինայի երկարաժամկետ անվտանգության երաշխիքների մասին հռչակագրին արդեն միացել է 13 պետություն՝ Բելգիան, Դանիան, Իռլանդիան, Իսլանդիան, Իսպանիան, Լատվիան, Նիդեռլանդները, Նորվեգիան, Պորտուգալիան, Ռումինիան, Ֆինլանդիան, Չեխիան և Շվեդիան։
Ամենադիտված 
Մնաս բարյավ. Րաֆֆի Հովհաննիսյան
