Ուկրաինան չի համաձայնի տարածքների փոխանակմանը ՆԱՏՕ-ին անդամակցելու համար․ Պոդոլյակ
Աշխարհ
Ուկրաինան չի համաձայնի տարածքների փոխանակմանը ՆԱՏՕ-ին անդամակցելու համար: Այս մասին X սոցիալական ցանցում (նախկինում՝ Twitter) հայտնել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։
«Տարածք փոխանակե՞լ ՆԱՏՕ-ի հովանու դիմաց: Տարօրինակ է։ Այսինքն՝ գիտակցաբար գնալ ժողովրդավարության պարտության... միջազգային իրավունքի ոչնչացման և պատերազմի պարտադիր փոխանցմանը այլ սերունդներին»,- ասվում է գրառման մեջ։
Ըստ Պոդոլյակի՝ Հյուսիսատլանտյան դաշինքը պետք է հայտարարեր Կիևին զենքի մատակարարումների արագացման, այլ ոչ թե Մոսկվային տարածքներ զիջելու մասին։
Օգոստոսի 15-ին ՆԱՏՕ-ի գրասենյակի ղեկավար Սթիան Յենսենը հայտարարել էր, որ Ուկրաինան կարող է անդամակցել Հյուսիսատլանտյան դաշինքին՝ տարածքների մի մասը Ռուսաստանին զիջելու դիմաց։ Նա նշել էր, որ այսօր զգալի առաջընթաց կա ՆԱՏՕ-ին Ուկրաինայի անդամակցության հարցում։
Ավելի ուշ Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարեց, որ ՆԱՏՕ-ին անդամակցելու համար Ուկրաինան պետք է հրաժարվի նույնիսկ Կիևից։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
