Եվրոպական երկրները Ուկրաինային ավելի քան 115 միլիոն դոլարի ՀՕՊ համակարգեր կմատակարարեն

Մեծ Բրիտանիայի պաշտպանության նախարարությունը հայտարարել է Ուկրաինային հակաօդային պաշտպանության տեխնիկա մատակարարելու համար ավելի քան 90 մլն ֆունտ (115 մլն դոլար) արժողությամբ երեք պայմանագրերի կնքման մասին։ Այս մասին գրում է Sky News-y։

Մեծ Բրիտանիայի պաշտպանության նախարարությունը 56 մլն ֆունտ ստերլինգ արժողությամբ ամենամեծ պայմանագիրը կնքել է նորվեգական Kongsberg պաշտպանական ընկերության հետ։ Այն նախատեսում է հակադրոնային համակարգերի տրամադրում, որոնք Ուկրաինան կարող է օգտագործել ռուսական անօդաչու թռչող սարքերը հայտնաբերելու, հետևելու, ոչնչացնելու և խափանելու համար։

Խոսքը CORTEX Typhon համակարգի մասին է, որի մատակարարման մասին նորվեգական արտադրողը հայտարարել էր այս շաբաթվա սկզբին։

Նշվում է, որ գործարքները կնքվել են Ուկրաինայի համար միջազգային հիմնադրամի շրջանակներում, որն այժմ հավաքել է ավելի քան 770 միլիոն ֆունտ ստերլինգ՝ Ուկրաինային մահացու և ոչ մահաբեր ռազմական աջակցություն ցուցաբերելու համար։

Ուկրաինայի համար միջազգային հիմնադրամը ստեղծվել է Մեծ Բրիտանիայի կողմից՝ Նորվեգիայի, Նիդեռլանդների, Դանիայի, Շվեդիայի, Իսլանդիայի և Լիտվայի հետ համագործակցությամբ։