Լավրովը հայտնել է, թե որ դեպքում ՌԴ–ն կվերադառնա հացահատիկի գործարքին

Ռուսաստանը կարող է վերադառնալ հացահատիկի գործարքին միայն այն դեպքում, եթե գործնականում կատարվեն բոլոր պարտավորությունները, հայտարարել է ՌԴ արտգործնախարար Սերգեյ Լավրովը ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ։ Նրա խոսքերը մեջբերում է ՏԱՍՍ-ը։

Գործակալության տվյալներով՝ ՄԱԿ-ի գլխավոր քարտուղարը ռուս նախարարին հարցրել է հացահատիկի գործարքի վերսկսման հեռանկարների մասին։

Ի պատասխան՝ ՌԴ ԱԳՆ ղեկավարը ներկայացրել է ավելի վաղ ՌԴ նախագահ Վլադիմիր Պուտինի հնչեցրած դիրքորոշումը, ըստ որի՝  պատրաստ է վերադառնալ գործարքին միայն այն դեպքում, եթե իրականում կատարվեն ռուսական կողմի հանդեպ բոլոր պարտավորությունները։

Դրանից մի քանի ժամ առաջ Սերգեյ Լավրովը հայտարարել էր, որ հանդիպելու է Գուտերեշի հետ՝ հացահատիկի թեման քննարկելու համար։